Дэлгэрэнгүй
Татаж авах Docx
Дэлгэрэнгүй уншаарай
Хүндэт, Хайрт Төгс Гэгээрсэн Их Багш Чин Хай, Суприм Мастер ТВ-ийн багийн гэгээнтнүүд ээ, би цахимаар Тайвань (Формоса)-д зориулсан Бурханы Хүсэл гэсэн мессежийг харлаа. Их Эзэн түүнд ахуй ойлголт өгсөн гэж Пастор Марк Дюпонт хэлэв. Тэрээр Тайвань (Формоса)-ийн газрын зургийг харсан бөгөөд Тайвань (Формоса)-ийн төвд гал гарч эхэлсэн байна. Энэ гал нь гол болон хувирч, Тайвань (Формоса)-ийн зүүн, баруун, өмнөд, хойд зүгт бүх чиглэлд тархжээ. Тэрээр: "Их Эзэн хэлэхдээ, ‘Энэ гол бол илчлэлийн гол, Христийн эрх мэдэл, Христийн Сүр жавхлан, Христийн Гоо үзэсгэлэн, Христийн Хүч.’ гэсэн. ‘Бидний Бурхан бол бүхнийг шатаагч гал юм.’ гэж Библид хэлдэг. Бурхан Тайвань (Формоса) дахь Христийн Лагшинд авчирч байсан сэрэлт юм.” гэж хэлсэн. Төгсгөлд нь тэрээр Их Эзэн түүнийг Тайвань (Формоса)-д өвөрмөц, шинэ зүйл төрүүлэхүйц ямар нэг зүйл хийхийг хүсэж байна гэж хэлж байгаа юм шиг санагдсанаа хэлэв. Би энэ захиасыг анх хараад энэ пастор юу гэж тайлбарлаж байгааг ойлгоогүй. Гэвч нэг удаа, Шинэ Газар Ашрамд даяан хийсний дараа гэртээ харихаар хурдны зам дээр явж байхдаа би гэнэт ингэж ойлгосон – Арьяабалын нийтийн бясалгалд оролцож, гэртээ буцаж ирснийхээ дараа Бурханы Гэрэл, Алдар сууг Тайвань (Формоса)-ийн зүүн, баруун, өмнөд, хойд гээд өнцөг булан бүрд эргүүлэн аваачдаг авшигтнуудыг маань Пастор Марк Дюпонт дурдсан юм биш биз? Тайвань (Формоса)-д их найдвар тавьж буйд баярлалаа, Бурхан минь. Бид бүгдээрээ оюун санааны бясалгалаа хичээнгүйлэн ахиулж, агуу ахиц дэвшил гаргаж, Бурханы Алдар суу, Ивээлийг түгээн дэлгэрүүлэх Их Багшийн сайн зэмсэг болох болтугай. Баярлалаа, Их Багш аа. Их Багшдаа болон Суприм Мастер ТВ-ийн бүх хамт олонд амар тайван, эрүүл энх, аз жаргалтай, ажил үйлс нь өөдрөг бүтэмжтэй байхыг хүсэн ерөөе. Марк Дюпонт санваартны видеог доорх холбоосоор үзнэ үү: https://www.youtube.com/watch?v=0tpuaw-bCW4 Тайвань (Формоса)-аас Шавь И-Чунь Гялалзсан И-Чунь, Пастор Марк Дюпонтын ахуй ойлголтын талаарх сэтгэгдлээ илэрхийлсэнд баярлалаа. Энэ нь маш гайхалтай юм! “Галан гол”-оор ариусгагдсан хүмүүс дараа нь дэлхийд гарч, Есүс Христ болон Бурханы Хаанчлалын төлөө “хоолны дэг сахих”-ыг дамжуулсан гэж тэр хэлснийг бид анзаарсан. Энэ нь манай Арьяабалын бясалгагчид Бурханыг бясалгаж, мөн дэлхий дээр ажиллаж буйтай их адилхан сонсогдож байна! Биднийг дотоод Диваажингийн Гэрэл, Аялгуугаар ариусах боломж олгодог Арьяабалын бясалгалын Аргаар адисалсан Цаглашгүй Дээд Их Багштай холбогдсон бид төсөөлж барамгүй их азтай билээ. Та болон Тайвань(Формоса)-ийн зоригт ард түмэн мөнхөд Буддагийн Ивээлд амьдрах болтугай, Суприм Мастер ТВ-ийн баг Жич: Их Багш танд эелдэг зурвас илгээж байна: “Ариуссан И-Чун, пастор Дюпонтын дотоод ахуй ойлголтыг хуваалцсанд баярлалаа. Арьяабалын Аргыг дадуулдаг хүмүүс дотоод гал нь дотоод Диваажингийн Аялгуутай хамт өнгөрсөн үйлийн үрийг цэвэрлэж, шатаадаг гэдгийг мэддэг. Пастор Дюпонт Бурханы Хүүгийн Хайр энэ ертөнцөд урсаж байгааг харжээ. Энэ Хайр нь бүх шашин, итгэл үнэмшлийн үндэс суурь бөгөөд энэ нь манай дэлхийг Алтан Эрин рүү хувьсган өөрчлөх болно. Манай авшигтнууд үүнийг Дэлхийн өнцөг булан бүрд хүргэхийн тулд чадах бүхнээ хийдэг. Та болон ивээл хүртсэн Тайвань (Формоса) Диваажингийн Гэрлээр адислагдаж байх болтугай. Танд болон таны хайртай бүхэнд маш их Хайраа илгээе!"
